Шалтгаан

• Халдвартай гараар амандаа хүрэх – Цусансуулгаар өвчилсөн хүүхдийн живхийг сольсны дараа гараа сайн угаалгүй бол халдвар авах магадлал хамгийн өндөр байдаг.
• Халдвартай хүнс хэрэглэх – Цусансуулгаар өвчилсөн хүн гараа сайн угаалгүй хоол хийсэн бол шигеллоз бактери амаар дамжин биед орно.
• Халдвартай ус залгих – Халдвартай хүний сэлсэн усанд орсон бол энэ байдлаар өвчилж болно.
• Бага насны хүүхэд: 2-4 насны хүүхэд энэ халдварыг авах нь хамгийн элбэг байдаг.
• Бага насны хүүхэд ихтэй газар ажилладаг байх – Цэцэрлэг, асрамжийн газар зэрэг хүүхэд ихтэй газар байнга байдаг бол
• Ижил хүйстэн байх зэрэг нь энэ өвчнөөр өвчлөх магадлалыг нэмэгдүүлнэ.

Шинж тэмдэг

Шигеллоз бактерийн халдварыг авснаас 1-2 хоногийн дараагаар дараах шинж тэмдгүүд ажиглагдаж эхэлнэ.

• Бага хэмжээтэй ойр ойрхон хэлбэргүй, үнэргүй,залхагтай, цусны судалтай суулгана. Суулгах үедээ маш их дүлүүлнэ.
• Хэвлийгээр өвдөх, базлах
• Халуурах
• Дотор муухайрчхоолонд дургүй болох зэрэг шинж тэмдгүүд илэрнэ.

Хүндрэл

• Шингэний дутагдал – Ойр ойрхон гүйлгэх нь шингэний дутагдалд оруулах бөгөөд толгой эргэх, бага хэмжээгээр бие засах зэрэг шинж тэмдэг илэрнэ.
• Таталт өгөх– Өндөр халуурах үед таталт өгөх аюултай.
• Шулуун гэдэс гарах – Ойр ойрхон гүйлгэснээсхошногоноор шулуун гэдэс гарч ирэх
• Цусны ялтсан эсийн дутагдал – Цусны ялтсан эс болон цусны улаан эс багасаж улмаар бөөрний архаг дутагдалболох
• Хэрх өвчин – Халдварын улмаасүений үрэвсэл үүсэх магадлалтай. Ихэвчлэн шагай, өвдөг, хөл, ташаа хэсгээр үрэвсэж өвддөг.
• Нүдний эвэрлэг үрэвссэнбайх– Нүднээс идээ гарах зэрэг шинж тэмдгүүд ажиглагдана.

Урьдчилан сэргийлэлт

• Бага насны хүүхдийг гараа угаахад нь хажууд нь байж, хянах
• Хүүхдийн живхийг зөв эвхэж хаях
• Хүүхдийн живх сольсны дараагаар гараа ариутгах
• Цусан суулга туссан бол бусдад хоол бэлдэж өгөхгүй байх
• Усан санд сэлэхгүй байх
• Цусан суулгаар өвчилсөн хүнтэй бэлгийн хавьталд орохгүй байх
• Цусан суулгаар өвчилсөн хүүхдийг цэцэрлэг, сургуульд явуулахгүй байх зэрэг арга хэмжээг аваарай.

Зөвлөгөө

Цусан суулгын үед шингэний дутагдалд ордог тул шингэн зүйл ихээр уугаарай.

Хоолны дэглэм баримтална

• Олон төрлийн амин дэм, эрдэс агуулсан хоол хүнс хэрэглэнэ. Хоол нь шингэц сайтай, хайрч хуураагүй байх, өдөрт 3-с доошгүй удаа хооллоно.
• Зөвшөөрөгдөх хүнс – Эрдэнэ шиш ба хар талх, гурилан бүтээгдэхүүн, гоймон, хүүхдийн будаа, төрөл бүрийн будаа, ууранд жигнэж болгосон өөхгүй мах (үхэр , тахиа, ямаа), чанасан загас, янз бүрийн амтлагчгүй төрөл бүрийн шөл, цагаан идээ,ногоо, жимс, ургамлын тос маргарин
• Хориглох хүнс – Шарсан, тосонд чанасан боов, хонь ,гахайн өөхтэй мах ,борц, шарсан загас, амьтны гаралтай өөх, бялуу, шоколад, хийжүүлсэн ундаа, архи, пиво ,хурц амтлагчтай зууш, өтгөн  кофе

Оношилгоо

• Өтгөнөөс шинжилгээ авч ямар төрлийнбактери байгааг шинжлэх

Эмчилгээ

• Цусансуулгын үед эмнэлэгт хэвтэн эмчийн заавраар эмчилгээ хийгдэнэ.