Шалтгаан

Улаан хоолойн сөргөөт үрэвсэлд өрцний ивэрхий нөлөөлөх нь:

Зарим эмч нар өрцний ивэрхий нь ходоодны хунигч булчинг сулруулж улаан хоолойн сөргөөт үрэвсэл болох эрсдэлийг нэмэгдүүлдэг гэж үздэг. Ходоодны дээд хэсэг өрцөнд байрлах онгорхой жижиг нүхээр орж цээжний хөндийрүү дээшлэх үзэгдлийг өрцний ивэрхий гэнэ.

Өрц нь хэвлий болон цээжний хөндийг тусгаарладаг булчин юм. Өрцөнд байрлах жижиг онгорхой нүх нь улаан хоолойн доод хэсэгт тулгуур болж өгдөг.  Хэдийгээр өрцний эвэрхийтэй хүн бүрт цээж хорсох, ходоодны хүчиллэг шүүс ялгарах шинж тэмдэг илрэхгүй байж болох ч өрцний ивэрхийтэй байх нь ходоодоны агууламжийг улаан хоолойруу дээшлэх магадлалыг нэмэгдүүлдэг.

Ханиалгах, бөөлжих, хоолойгоо хүчлэх, эсвэл гэнэт биеийн хүчний ажил хийх нь хэвлийд ачаалал өгч өрцний ивэрхий үүсгэх аюултай. Мөн жирэмслэлт, хэт таргалалт нь энэ өвчинд өртөх эрсдэлийг нэмэгдүүлдэг. Ер нь өрцний ивэрхийтэй хүнд ихэвчлэн эмчилгээ хийх шаардлагагүй байдаг. Харин ивэрхий нь боогдох (өрцний нүхээр гарсан ивэрхий мушгирч, цусны эргэлт явагдахгүй байх) аюул тулгарсан бол эсвэл улаан хоолой ноцтой үрэвссэн бол эмчилгээ хийх шаардлагатай болно. Цусны эргэлтийг боогдохоос сэргийлсэн эсвэл өрцний нүхийг багасгаж ивэрхийний хагалгаа хийж болох юм.

Шинж тэмдэг

Цээж хорсох буюу ходоодны хүчиллэг шүүс ялгарах нь улаан хоолойн сөргөөт үрэвслийн хамгийн нийтлэг шинж тэмдэг юм. Ихэвчлэн цээж хорсож өвдөөд, хоолойгоор шингэн зүйл дээшилж байгаа мэт санагддаг. Ихэнх хүмүүс идсэн хоол нь буцаж хоолойгоор гарч ирээд гашуун, хүчиллэг амт үлдээдэг гэдэг.

Энэ хорссон мэдрэмж ихэвчлэн хоол идсэний дараа ажиглагдах бөгөөд 2 цаг хүртэлх хугацаанд үргэлжилнэ. Дээшээ харж хэвтэх, атиралдаж хэвтэх зэрэг нь цээж хорсох нөхцөлийг бүрэлдүүлнэ. Хэрэв цээж хорсож байгаа бол босож зогсох, хүчил саармагжуулах антацид ууж намдаах боломжтой.

Цээж хорсож өвдөхийг зүрхний өвчин, зүрхний шигдээстэй андуурах тохиолдлууд элбэг гардаг. Гэвч эдгээр нь ялгаатай. Зүрхтэй холбоотой өвдөлтийн үед биеийн  огцом хөдөлгөөн, дасгал сургуулилт нь өвдөлтийг нэмэгдүүлж, хөдлөхөө болих үед өвдөлт намддаг бол цээж хорсох нь хөдөлгөөн хийхтэй ямар ч холбоогүй байдаг. Гэвч энгийн үед ялгах хэцүү тул цээж өвдөх зовиур илэрвэл  яаралтай эмчид хандаарай!

Зөвлөгөө

Мэргэжлийн эмчид заавал хандан тохирсон эмэн болон эмэн бус эмчилгээ, дэглэм мөрдөх!

Хүнсний сода

Хүнсний сод нь ходоодны хүчлийн хүчийг сулруулдаг. Өөрөөр хэлбэл ходоодны хүчил дээшилсэн ч хоолойд гашуун амт мэдэгдэхгүй, цээж хорсож өвдөхгүй гэсэн үг юм.

1 цайны халбага хүнсний содыг 1 аяга усанд найруулж өдөрт 1 удаа ууна. (1 долоо хоногоос хэтрүүлэн уух тохиромжгүй тул 1 сард 7 хоногийн хугацаатай хэрэглээрэй.)

Алое шүүс уух

Алоены шүүс нь үрэвслээс урьдчилан сэргийлэх, өвчин намдаах үйлчилгээтэй байдаг.

Өдөрт 1 удаа тасалгааны температурт хадгалсан 1 аяга алоены шүүсийг ууж хэрэглэнэ.

Бохь зажлах

Хоолны идсэнээс 30 минутын дараа бохь зажлахад нь шүлсний хэмжээг ихэсгэж ходоодны хүчил хоолойд амтагдахаас сэргийлэх бөгөөд цээж хорсох өвдөлтийг намдаадаг.

Хоол идсэнээс хойш 30 минутын дараа жимсний амтгүй, гаа багатай бохь зажилна.

Зөв байрлалтай унтах

Шөнө хэвтэж унтдаг тул шөнө цээж хорсох нь элбэг байдаг. Хэрэв толгойгоо өндөр байрлуулбал энэ өвдөлт намдах тул өндөр дэр дэрлэж унтаарай. Мөн хоол идсэнээс хойш 3-4 цагийн дараа хэвтэхгүй байх нь чухал

Гадил болон алим идэх

Ходоодны хүчлийг хоолойгоор дээшлэхээс сэргийлдэг жимснүүд нь алим болон гадил юм. Өдөрт 2 ш гадил эсвэл 1ш алим идсэнээр өвдөлт багасна. Мөн унтахаас 2 цагийн өмнө 1 алим идвэл шөнө цээж хорсохгүй.

Архи + Тамхи = Цээж хорсох

Алкогольний төрлийн бүхий л бүтээгдэхүүн болон тамхинд агуулагдах никотин нь ходоодны хунигч булчинг сулруулах нөлөө үзүүлдэг. Тиймээс тамхинаас гарч, архи пиво уухгүй байх нь энэ өвчин эдгээх хамгийн сайн гам болно.