Шалтгаан

Хэвийн давсагны үйл ажиллагаа

Бөөр нь шээсийг ялгаруулж давсаг руу дамжуулдаг. Бие засах үед давсагнаас шээсний сүвээр дамжин шээс гарна. Эмэгтэйчүүдийн хувьд шээсний сүв нь үтрээний дээд хэсэгт байрладаг бол эрчүүдийн хувьд шодойн урд хэсэгт байрладаг.

Хэт ажиллагаатай давсагны үйл ажиллагаа

Давсаг хэт ажиллаж байгаа үед давсагны булчин агшиж шээсийг гадагшлуулахад хүргэдэг. Дараах шалтгааны улмаас энэ нөхцөл үүссэн байж болно. Үүнд:

• Мэдрэлийн өвчин
• Цус харвалт
• Их хэмжээний шингэн уух
• Бөөрний өвчин
• Чихрийн шижин
• Бөөрний чулуу
• Түрүү булчирхайн томролт
• Өтгөнхаталт
• Алкоголийн зохисгүй хэрэглээ зэрэг орно.

Шинж тэмдэг

Давсаг хэт ачааллахад дараах шинж тэмдгүүд илэрнэ.

• Гэнэт бие засах хүсэл төрөх
• Шээсээ барьж чадахгүй байх
• 24 цагт 8 болон түүнээс дээш удаа бие засах
• Шөнөдөө 2-3 удаа сэрж бие засах

Хэзээ эмчид хандах вэ?

Хэдийгээр насанд хүрэгчдэд элбэг ажиглагддаг боловч давсаг хэт ачаалах нь нас ахихтай холбоогүй юм. Хэрэв шээсээ барьж чадалгүй өмдөндөө дусаах үзэгдэл давтагдаж байвал эмчид хандаарай.

Хүндрэлүүд

Давсагны хэт ачаалалтай байх нь шээс алдахад хүргэдэг тул өдөр тутмын амьдралд байнгын сэрэмжтэй байх, сэтгэл санаагаар унах, нойргүйдэх зэрэг хүндрэлүүд үүсдэг.

Зөвлөгөө

Дараах арга хэмжээг хувь хүний зүгээс авах нь давсагны хэт ачааллыг, шинж тэмдгийг бууруулах боломжтой.

• Биеийн жинг зохистой хэмжээнд байлгах
• Уух шингэний хэмжээг багасгах
• Алкоголь, кофе зэргээс татгалзах зэргийг анхаараарай.
• Жингээ хасах
• Халуун ногоотой хоол идэхгүй байх
• Жүржийн шүүс уухгүй байх
• Улаан лооль идэхгүй байх
• Элсэн чихрийн хэрэглээг багасгах

Эмчилгээ

Эмчийн зүгээс эмийн эмчилгээ бичиж болно. Мөн шаардлагатай бол давсагны багтаамжийг сайжруулах тариа, мэс ажилбар хийдэг.