Шалтгаан

• Цээжрүүгээ цохиулах, хүчтэй доргисон бол хий хуралт үүснэ.
• Хатгалгаа, эмфизем, бронхит зэрэг өвчнөөр өвчилж байсан бол уушги гэмтсэн байж болно
• Уушгинд зарим өвчний улмаас хийтэй хөндий үүсч болдог бөгөөд тус хөндий нь хагарч хий хурах магадлалтай
• Энэ өвчнөөр 20-40 насны, жин багатай өндөр нуруутай хүмүүс өвдөх магадлал өндөр гэж үздэг
• Ойр ойрхон амьсгалын аппарат хэрэглэдэг хүмүүс

Шинж тэмдэг

Хэр их агаар орсон байгаагаас шалтгаалан шинж тэмдэг өөр өөрөөр илэрнэ. Зарим тохиолдолд анзаарахгүй удаан явах тохиолдол ч бий. Их хэмжээний агаар хурсан бол маш хурдан хүндэрдэг.

• Амьсгал давхцах
• Цээжээр гэнэт хатгаж өвдөх шинж тэмдэг илрэх ба онгоцоор нисэх, усанд сэлэхэд илүү их өвдөлт мэдрэгдэнэ.

Оношилгоо

Хий хурсан эсэхийг цээжний рентген зургаар оношлох боломжтой бөгөөд зарим тохиолдолд компьютер томографийн шнжилгээ хийлгэдэг.

Эмчилгээ

Энэ тохиолдолд хавирган дундуур гуурс эсвэл зүү оруулж хурсан хийг соруулж авах байдлаар эмчилгээ хийдэг боловч бага уналттай, бага хэмжээний агаар орсон бол өөрөө эдгэх тохиолдол ч цөөнгүй байна.

Эмчлүүлсний дараагийн 1-2 жилд дахин өвчлөх магадлалтай тул цээжээ дахин гэмтээхгүй байхад анхаарна. Уушгины агаар хурсан байсан хэсэг өөрөө эдгэрэхгүй бол хагалгааны аргаар эмчлэх нь бий. Мэргэжлийн эмч нар дараах дасгалыг зөвлөдөг,

Гүнзгий амьсгаа авах дасгал

Нуруугаа тэгшлээд завилж сууна. Баруун гарын эрхий хуруугаараа баруун талын хамрын нүхээ дарж зүүн талын хамрын нүхээрээ амьсгална. Уушгиа агаараар дүүргэж гүнзгий амьсгалана. Дараа нь нөгөө талын хамрын нүхээр ижил байдлаар амьсгална. Энэ дасгалыг өдөр бүр 10 минут хийх нь сайн нөлөөтэй.