Үений мултрал

Олон шалтгааны улмаас үений бүрэн бүтэн байдал алдагдаж, үеийг үүсгэж буй ясны нийлсэн хэсгүүд зөрж байрласан байдаг

Үений мултралыг хэлбэрээр нь хагас болон бүтэн гэж ангилж болдог.

Үе үүсгэж байгаа бүх яснууд гадаргаараа зөрж байрласан байна.

Үеийг үүсгэж буй яснуудын гадарга хагас эсвэл дутуу зөрж байрласан байна.

Шинж тэмдэг

Мултарсан үеийг эрүүл талтай харьцуулж харахад хэлбэр нь өөр болсон байна.
Мултарсан талын мөч нь эрүүл талын мөчөөс урт эсвэл богиноссон байна.
Тухайн мөчний чиг өөрчлөгдөн гадагш чиглэлтэй болсон байна.
Мултарсан үеийг тэмтрэхэд үений тогоо, үений толгой тус тусдаа тэмтрэгдэнэ.
Өвдөнө.
Хавдаж хөхрөлт үүснэ.
Үений идэвхитэй хөдөлгөөн хязгаарлагдана.
Аль үе мултарснаас хамаарч гарах шинжүүд (жишээлбэл: Эрүү мултарсан бол юм идэж чадахгүй, амаа ангайсан байдалтай байх..,)

Үений мултралыг хамгийн гол нь хөдөлгөөнгүй болгох ёстой.

Чиг тавих заавар

Хугарсан хэсэг хувцастай бол хувцасных нь гадуур чиг тавина.
Чиг нь гулзайж мурийхааргүй хатуу бат бөх зүйл байна.
Арьс зөөлөн эдийг холгуулахгүйн тулд дотор нь даавуун эсвэл хөвөн (байхгүй бол гар доорх материалаа ашигла. Жишээ нь:ноос ноолууран цамц, ороолт..,) жийргэвч хийнэ.
Чигийг тавьж боох бөгөөд боолтны чанга сулыг тохируулан боох хэрэгтэй.

Мултралын оруулах гэж оролдох хэрэггүй. Оролдлого хийснээр цусны судас болон мэдрэлийн ширхэгийг гэмтээх аюултай.