Шалтгаан

Дараах шалтгааны улмаас мэдрэл дарагдсан байж болно,

• Гэмтэх
• Эвгүй байрлалтай унтахад
• Хэрх өвчтэй бол
• Удамшлаас шалтгаалж
• Ажлын стресс хэт ихэссэн бол
• Спортоор хичээллэхдээ огцом хөдөлгөөн хийх
• Хэт таргалалт, илүүдэл жинтэй үед
• Хэт хүнд зүйл өргөхөд
• Жирэмсэн бол мэдрэл дарагддаг гэж үздэг.

Мэдрэлийн ёзоор дарагдсанаас мэдрэл үрэвсэж гэмтэх магадлалтай. Дарагдсан мэдрэлийг эмчилэхэдээ бусад гэмтлүүдийг давхар эмчилдэг. Гэхдээ олон удаа мэдрэл дарагдах, удаан хугацаанд эмчлэхгүй явах нь амьдралын чанарт муугаар нөлөөлж,  эрүүл мэндэд аюултай нөхцөл үүсгэнэ.

Энэ даралт нь мэдрэлийн үйл ажиллагааг саатуулан өвдөлт мэдрэгдэх, бадайрах, хүчгүй болох гэх зэргийн шинж тэмдэг ажиглагдана.

Шинж тэмдэг

• Дарагдсан хэсэгт бадайрч, мэдээ алдах
• Дотроос гадагшаа хүчтэй өвдөх
• Зүгээр хатгаж байгаа мэт болох
• Дарагдсан хэсгийн булчин хүчгүй болох, сулрах
• Хөл, гарын үзүүрийн шөрмөс татах зэрэг шинж тэмдгүүд илэрч болно.

Шөнө унтаж байхад эдгээр шинж тэмдгүүд илүү ажиглагдаж болох ба сүүлийн хэд хоногт эдгээр шинж тэмдгүүд илэрч хувь хүн өөрийн зүгээс өвчин намдаагч хэрэглэсэн ч өвдөлт намдахгүй бол эмчид хандахыг зөвлөнө.

Урьдчилан сэргийлэлт

Мэдрэлийн ёзоор дарагдахаас урьдчилан сэргийлэхийн тулд

• Эвтэйхэн байрлалтай хэвтэх, унтаж амрах
• Дасгал хөдөлгөөн тогтмол хийж хэвших
• Спортоор хичээллэхдээ анхаарал, болгоомжтой хандах
• Хүнд зүйл өргөхгүй байхад анхаарах нь зүйтэй.

Оношилгоо

• MRI
• Рентген зураг
• Мэдрэлийн шинжилгээ зэрэг үзлэгийн тусламжтайгаар мэдрэлийн дарагдлыг оношилдог.

Эмчилгээ

Ихэнх тохиолдолд мэдрэл дарагдсан хэсгийг хөдөлгөхгүй байж физик эмчилгээ, эмэн эмчилгээ хийнэ. Физик эмчилгээ нь мэргэжлийн сувилагчийн зааварчилгаагаар дасгал хийх, иллэг хийлгэх байдлаар явагдах ба эмэн эмчилгээ нь өвчин намдаах, үрэвсэл дарах үйлчилгээтэй байна. Эдгээр анхан шатны эмчилгээ, үйлчилгээний дараагаар биеийн байдал сайжрахгүй бол мэс заслын аргаар дарагдсан хэсгийг хэвийн болгох эмчилгээг мэргэжлийн эмч санал болгоно.