Их хэмжээний цус алдаж байгаа үед дараах арга хэмжээг аваарай.

• Шархнаас бохир зүйлсийг авч цэвэрлэх – Гэвч том шигдэж орсон, зоогдсон зүйлсийг хөдөлгөж болохгүй. Учир нь цус алдалт улам нэмэгдэх аюултай. Харин жижиг зүйл, шороо, хог зэргийг цэвэр гараар авч цэвэрлээрэй.
• Цус алдалтыг зогсоох – Ариутгасан даавуу, алчуураар шархан дээр дарж цус алдалтыг зогсооно. Хэрэв эргэн тойронд уяа, тууз байгаа бол цус алдаж байгаа хэсэг дээр дарах, байхгүй бол түргэн тусламж иртэл гараараа дарах хэрэгтэй.
• Цус алдаж байгаа хэсгийг өргөх
• Гэмтсэн хүнийг дулаан зүйл дээр хэвтүүлж биеийн дулаанаа алдахаас сэргийлэх
• Боолт, дарсан зүйлийг солихгүй байж түргэн тусламж иртэл хүлээх
• Цус алдалт зогссон бол эмнэлэгт хүргэх

Дотуур цус алдалт

Биеийн дотор эрхтнээс цус алдаж байгаа бол дараах шинж тэмдэг илэрнэ.

• Нүд, чих, хамар, хошногоны амсраас цус гарах
• Бөөлжих, цусаар бөөлжих, цустай ханиалгах
• Хөхрөх
• Хэвлий хавагнах, хөөх

(Түргэн тусламж – 103)