Шалтгаан

Дараах шалтгааны улмаас сээр нурууны хоорондох зай багассан байж болно. Үүнд:

• Яс ургах – сээр нурууны хооронд яс ургасан байх
• Нурууны дискний гэмтэл – нас ахиж нурууны диск гэмтэх
• Хорт хавдар – нугасанд хавдар үүсэх
• Сээр нурууны гэмтэл – ослын шалтгаанаар сээр нуруу цуурч гэмтсэн байх зэрэг орно.

Энэ өвчнөөр ихэвчлэн 50 болон түүнээс дээш насны хүн өвчлөх хандлагатай байдаг.

Шинж тэмдэг

Суудлын мэдрэлийн өвчний эхэн үед онцлох шинж тэмдэг ажиглагдахгүй бөгөөд хүндрэх тусам өвдөлт нэмэгдэх хандлагатай болдог. Сээр нурууны аль хэсэгт зай гарснаас шалтгаалан дараах байдлаар шинж тэмдгүүд ажиглагдана.

• Хүзүү хэсгээр – хөл гар бадайрах, ирвэгнэх, хүчгүй болдог. Хүндрэх тусам алхахад төвөгтэй болж тэнцвэрээ алдах, юм барихад гарын хүч сульдах байдлаар илэрнэ. Мөн бие засах болон хүндрэх давтамжид өөрчлөлт ордог.
• Нурууны доод хэсгээр – удаан хуцацаанд алхах, гүйхэд хөлийн шөрмөс татаж, хүчгүй болох нь анзаарагдана.

Хэзээ эмчид хандах вэ?

Хэрэв нуруу, гар, хөлөөр бадайрах, хүчгүй болох, өвдөлт мэдрэгдэх шинж тэмдэг илэрвэл эмчид хандаарай!!!

Цаашид үүсч болох хүндрэлүүд

Суудлын мэдрэлийн өвдөлтийг эмчлэхгүй удсан тохиолдолд дахин эдгэрэшгүйгээр гэмтэх магадлалтай. Үүнд:

• Тэнцвэрээ олж чадахаа болих
• Нуруу мэдээгүй болж суумгай болох зэрэг орно.

Зөвлөгөө

Дараах арга хэмжээг авснаар суудлын мэдрэлийн өвчнөөс үүдэлтэй өвдөлтийг намдаах боломжтой.

• Өвчин намдаагч – ибопруфен, напроксен зэргийн эмийг эмчийн заавраар хэрэглэж өвчин намдаах боломжтой.
• Халуун эсвэл хүйтэн жин тавих – хүзүү, гар, хөл, нуруу хэсгийн өвдөлтийг намдаахын тулд жин тавьж болно.
• Илүүдэл жинг хасах – илүүдэл жинтэй байх нь нуруунд суулт өгөх гол шалтгаан болно. Тиймээс илүүдэл жингээ эрүүл аргаар хасаарай.
• Таяг тулах – нуруунд өгөх ачааллыг багасгах зорилгоор таяг тулж болно.

Оношилгоо

Суудлын мэдрэлийн өвчин мөн эсэхийг дараах шинжилгээ, үзлэгийн тусламжтайгаар оношлох боломжтой бөгөөд сээр нурууны аль хэсэг өвчилснийг олж тогтоох нь чухал байдаг. Үүнд:

• Рентген зураг
• Mri
• Компьютер томографын шинжилгээ зэрэг орно.

Эмчилгээ

Сээр нурууны аль хэсэгт өвчилснөөс хамааран өөр өөр эмчилгээ хийх боловч ихэвчлэн эмэн болон физик эмчилгээг хавсардаг. Хэрэв эдгээр эмчилгээнүүд үйлчлэхгүй бол хагалгааны аргаар сээр нурууны ясанд зай гаргана.