Хамрын салстын ургацаг
Хамрын салстад зөөлөн, хөндүүргүй ургацаг үүсэхийг хамрын салстын ургацаг гэнэ. Эдгээр ургацаг нь усны дусал шиг эсвэл усан үзэм шиг харагдах бөгөөд гуурсан хоолойн багтраа, олон удаагийн үрэвсэл, харшил, зарим эмийг хэтрүүлэн хэрэглэснээс үүдэн ургадаг.
Хамрын салстын ургацаг нь элдэв шинж тэмдэггүй байж болох боловч олноор ургасан эсвэл том хэмжээтэй ургацаг нь хамрыг хөндийг бөглөж амьсгалахад хүндрэл учруулах, үнэрлэх мэдрэмж муудах зэрэг хүндрэлүүд үүсч болох юм.
Хэрэв ургацаг нь жижиг хэмжээтэй бол эмэн эмчилгээгээр ширгээнэ. Харин том хэмжээтэй эсвэл эмэн эмчилгээ үйлчлэхгүй бол хагалгааны аргаар авдаг. Хагалгааны дараагаар ургацаг дахин үүсч болно.
Нөлөөлөх хүчин зүйлс
Хамрын хөндий болон салстыг үрэвсүүлэх ямар ч төрлийн өвчин нь ургацаг үүсгэж болно.
- Гуурсан хоолойн багтраа
- Аспиринд хэт мэдрэг байх
- Хамрын харшил
- Удамшил
- Хамрын салстын үрэвсэл,хөөнгөтөлт
- Хамрын хөндийн идээт үрэвсэл
Шинж тэмдэг
12 долоо хоногоос удаан хугацаанд үргэлжилсэн хамрын үрэвслээс ихэвчлэн ургацаг үүсдэг. Ургацаг нь зөөлөн, мэдрэлгүй, хөндүүргүй зүйл байна. Хэрэв жижиг хэмжээтэй бол зовиургүй байх боловч олон тоогоор ургасан ургацаг нь хамрын хөндийг бөглөх аюултай.
- Хамар битүүрэх
- Хамраас нус гоожих
- Үнэрлэх мэдрэмж муудах
- Нүүр болон толгой өвдөх
- Шүдний дээд хэсгээр өвдөх
- Нүүрэн дээр дарж өвдөх
- Хурхирах
- Нүд загатнах зэрэг шинж тэмдэг илэрнэ.
Хүндрэлүүд
Ургацаг нь амьсгалын замыг хааж, хамрыг үрэвсэхэд хүргэдэг. Үүнээс үүдэн дараах хүндрэлүүд бий болж болно.
- Нойрондоо хурхирах
- Гуурсан хоолой багтрах
- Хамрын халдвар авах
- Халдвар нь нүдний аяганд орох
- Менингит зэргээрөвчлөх магадлалтай.
Урьдчилан сэргийлэлт
- Харшил болон гуурсан хоолойн багтрааг өдөөхгүй байх
- Эвгүй үнэр үнэртэхгүй байх
- Хамрын хөндийг зориулалтын шингэнээр угааж байх
- Гэрийн болон оффисын өрөөний агаарыг цэвэршүүлж байх
Зөвлөгөө
Цагаан гаа
-
- Өглөө бүр 1 аяга сүүнд 1 цайны халбага цагаан гаа хийж уух
Сармис
Өдөр бүр 2 хумс сармис нухаж залгина. Араас нь 1 аяга сүүгээр даруулж ууна.
-
- Энэ байдлаар өдөрт 2 удаа 2 сарын турш хэрэглээрэй.
Жүрж
Жүржийн шүүс өдөр бүр уух
Дээрх зөвлөгөөнүүд нь хамрын ургацаг үүсэхээс сэргийлэх бөгөөд үүссэн бол томрохоос сэргийлэх, шимэгдүүлэх үйлчилгээтэй.
Оношилгоо
Хамар дурандах – Зориулалтын төхөөрөмжөөр хамрын хөндийг дурандаж үзлэг хийнэ.
Соронзонрезонанст томографи болон компьютер томографи – Эдгээр шинжилгээгээр ургацагийн байрлал, хэмжээ, тоо ширхгийг тодорхойлно.
Харшлын сорил – Харшлын гаралтай эсэхийг тодорхойлно.
Эмчилгээ
Хамрын салстын ургацагийн хэмжээг багасгах нь эмчилгээний гол зорилго бөгөөд эхний ээлжинд эмэн эмчилгээ хийгддэг. Хэрэв шаардлагатай гэж үзвэл хагалгааны аргаар авах боловч дахин ургах магадлал өндөр байна.
Мэргэжлийн эмчийн заавраар хамрын дусаалга, хамрын цацлага, харшлын эм, өвчин намдаах эм зэргийг хэрэглэх бөгөөд хагалгаа хийлгэхээр шийдсэн бол хамрын хөндийд дурантай жижиг багаж оруулан ургацагийг тайрч авдаг.
