К витамины дутагдал
Мэдээллийг хянасан
Д.Цолмон , Хүний их эмч
К витамины дутагдал нь аль ч насны хүнд ажиглагдаж болох боловч бага насны хүүхдүүдэд элбэг ажиглагддаг. Биед энэ амин дэм дутагдсанаар цус алдах, цустай өтгөн гарч ажиглагдана. Хөхний сүүнд К витамин дутагдсанаас бага насны хүүхэд цустай өтгөн гаргадаг.
Гүн ногоон өнгийн хүнсний ногоо, тос, олив, ногоон шош, вандуй, брокколи, бүхэл үрийн хүнс, буудай, сой соус зэрэгт К витамин ихээр агуулагддаг. К витамин нь ясанд чухал үүрэг гүйцэтгэх тул дутагдаж эхлэхэд яс сийрэгжих, ясны хэвийн бүтэц алдагдах зэрэг ажиглагдана. К витаминыг шингэн хэлбэрээр тариулах боломжтой.
Шинж тэмдэг
К витамины дутагдлын үед дараах шинж тэмдгүүд илэрнэ.
- Амархан хөхрөх
- Зарим хэсгүүдэд цус гарч тогтохгүй байх
- Нярай хүүхдийн тархинд цус алдалт явагдах
- Цустай өтгөн гарах
Нөлөөлөх хүчин зүйлс
- Элэгний өвчтэй байх
- Цөсний суваг битүү байх
- Зарим эмийн нөлөөлөл
Урьдчилан сэргийлэлт
- К витаминаар баялаг хүнс хэрэглэх
- Хүүхдээ хөхний сүүгээр цатгаж чадахгүй байгаа бол нэмэлт тэжээл хэрэглэх
Шинжилгээ
- Цусны шинжилгээ – Цусан дах К витамины хэмжээг хэвийн эсэхийг тогтооно.
Эмчилгээ
- К витамин дутагдах болсон шалтгааныг тодруулж, цус алдалтыг тогтооно.
- Дусал хэлбэрээр К витаминыг хийнэ.
