Шоконд орох үед үзүүлэх анхны тусламж
Халуун газар удаан байх, сэтгэлзүйн гэнэтийн өөрчлөлтөд орох, цус алдах, харшил, халдвар авах, ямар нэг зүйлд хордох зэргээс үүдэн шоконд орох магадлалтай. Хүн шоконд ороход биеийн дотор эрхтнүүдэд цусанд хангамж дутагдаж, хүчилтөрөгчийн дутагдалд ордог. Хэрэв шокийг эмчлэхгүй орхивол эрхтэн хүнд гэмтэх, амь насанд аюултай нөхцөл үүсэх магадлалтай.
(Түргэн тусламж – 103)
Шинж тэмдэг
- Арьс хүйтэн байх
- Арьс цонхийх
- Зүрхний хэм хурдсах
- Нүдний хүүхэн хараа томорсон байх
- Ядарч сульдах
- Толгой эргэх, ухаан алдах
- Ааш занд өөрчлөлт орох, сэтгэл зүйн гутралд орох
Түргэн тусламж дуудах
- Хэн нэгнийг шоконд орсон гэж сэжиглэж байгаа бол түргэн тусламж дуудах
- Хэвтүүлээд хөл гарыг нь дээш өргөх
- Шаардлагагүй бол хөдөлгөхгүй байх
- Хэрэв амьсгалахгүй байвал хамрыг нь чимхэж амаар нь агаар үлээж хиймэл амьсгал хийх
- Шоконд орсон хүнд идэж уух юм өгөхгүй байх
- Хэрэв бөөлжиж, амнаас цус гарч нэг талаар нь хажуу тийш харуулж хэвтүүлэх (Энэ нь хахахаас сэргийлнэ)
