Шалтгаан

Өсөлтгүй жирэмслэлт нь олон шалтгааны улмаас үүсч болох ч ихэвчлэн ихэстэй холбоотой байдаг. Ихэс нь эх болон ургийг холбох чухал эд бөгөөд урагт хүчилтөрөгч болон шим тэжээийг дамжуулж, ургаас шаардлагагүй хаягдлыг гадагшлуулах үүрэгтэй. Ихэсд асуудал үүсэх шалтгаанууд нь:

• Чихрийн шижин
• Цусны даралт өндөр байх
• Тэмбүү, заг хүйтэн, хомхойзэргийн халдвар авсан
• Бөөрний болон уушгины өвчтэй байх
• Цус багадалт, шим тэжээлийн дутагдалтай байх
• Архи уух, тамхи татах
• Ураг ихэр байх

Шинж тэмдэг

• Ургийн хэмжээ хэт жижиг байх
• Хангалттай жинд хүрэхгүй байх
• Төрсний дараа хүүхдийн жин бага байх, хүй нарийн байх, арьс нь хуурай байх зэрэг шинж тэмдэг ажиглагдана.

Урьдчилан сэргийлэлт

Эхийн бие эрүүл байсан ч ургийн хөгжил муудах магадлалтай тул дараах байдлаар урьдчилан сэргийлээрэй.

• Эмчийн үзлэгт тогтмол хамрагдах
• Ургийн хөдөлгөөнийг анхаарах – Хөдөлгөөн удаашрах, хөдлөхгүй байх зэрэг нь ажиглагдвал эмчид хандах
• Урагт сөрөг нөлөөтэй эм уухгүй байх
• Архи ууж, тамхи татахгүй байх
• Сайн унтаж амарч байх

Оношилгоо

• Хэт авиа – Хүүхдийн өсөлтийг хэт авиагаар харахад биеийн хэмжээ жижиг байна.
• Ургийн тархины хөгжил – Ургийн тархины хөгжлийг үзэхэд муу байх
• Жин – Эхийн жинг үзэхэд хангалттай хэмжээнд хүрэхгүй байх
• Ургийн зүрхний цохилт – Ургийн зүрхний цохилт сул байх

Эмчилгээ

• Шим тэжээлийг нэмэгдүүлэх – Эхийг шим тэжээллэг дэглэм бариулж, жин нэмүүлэх
• Хэвтэж амрах – Ургийн цусны эргэлтийг сайжруулахын тулд хэвтэж, амрах
• Төрөлт – Хэрэв урагт сөрөг нөлөөтэй бол хугацаанаас өмнө төрүүлэх зэрэг арга хэмжээг авдаг.