Шалтгаан

Ихэвчлэн хламид, заг хүйтэн зэргийн БЗХӨ-ий халдвар авснаар умай, үтрээ, өндгөвч үрэвсдэг бөгөөд ховор тохиолдолд бэлгийн бус замаар халдвар авсан байж болно (төрөлт, зулбалт, үр хөндөлтийн шалтгаанаар үтрээнд багаж оруулах г.м)

• 25 болон түүнээс доош насны бэлгийн идэвхтэй амьдралтай эмэгтэй байх
• Олон бэлгийн хавьтагчтай байх
• Хамгаалалтгүй харьцаанд орох
• Үтрээнд эмнэлгийн багаж оруулах
• БЗХӨ тусч байсан байх

Шинж тэмдэг

• Хэвлий, аарцгаар өвдөх
• Хэвийн бус үнэртэй, зүйл үтрээнээс гарах
• Сарын тэмдэг тогтворгүй болох
• Бэлгийн харьцаанд ороход өвдөх
• Халуурах
• Бие засахад өвдөх

Умайн дайврын үрэвслийн үеэр шинж тэмдэг илрэхгүй байж болно.

Хүндрэл

Эмчилгээ хийлгэлгүй удаан явсан тохиолдолд дараах хүндрэлүүд үүснэ.

• Савны гадуурх жирэмслэлт
• Үргүйдэл
• Аарцагны өвдөлт (Хэзээ ч эмчлэгдэхээргүй аарцагны өвдөлттэй болж болно.)

Урьдчилан сэргийлэлт

• Бэлгийн хавьталд орохдоо хамгаалалт хэрэглэх
• Мазокны шинжилгээ өгөх – 21 болон түүнээс дээш настай бол жил бүр мазокны шинжилгээ өгч хэвшээрэй.
• Биз зассаны дараа урдаас хойш чиглэлтэй арчиж байх
• Тохиолдлын бэлгийн хавьталд орохоос зайлсхийх
• Бэлгийн хамтрагчдаа үнэнч байх
• Бэлгийн ариун цэврийг сайн сахих, дотуур, хувцсаа цэвэр байлгах

Оношилгоо

• Хэт авиа
• Арчдас авах
• Хэвлийн дуран

Эмчилгээ

Дээрх шинжилгээний тусламжтайгаар ямар төрлийн халдвар авсныг тодорхойлох бөгөөд үрэвслийг намдаах зорилгоор антибиотик хэрэглэнэ. Антибиотикийн тусламжтайгаар 3 хоногийн дараагаар зовиур багасч эхлэх боловч үрэвслийг бүрэн дарахын тулд мэргэжлийн эмчийн зөвлөгөөний дагуу эмчилгээг бүрэн хийлгэх хэрэгтэй.

Мөн БЗХӨ-с үүдэлтэй бол бэлгийн хавьтагч ч эмчилгээ хийлгэх шаардлагатай. Эмчилгээ бүрэн дуустал бэлгийн хавьталд орохыг хориглодог.

Үрэвсэл хүндэрсэн эсвэл эмэн эмчилгээ нөлөөлөхгүй байх тохиолдолд эмнэлэгт хэвтэн эмчлүүлж тариа, дусал хийлгэнэ. Ховор тохиолдолд хагалгааны аргаар эмчилдэг.