Анхны тусламж

• Хөнгөн гэмтэл – Арьс урагдаагүй бол эмчилгээ шаардлагагүй. Хөнгөн гэмтсэн, хөхөрсөн хэсгийг савангаар угааж, тосон түрхлэг хэлбэртэй антибиотик түрхэнэ.
• Гүн шарх – Амьтан хазсанаас үүдэн арьс урагдаж, цус гарсан бол цэвэр алчуур, даавуугаар ороож цус алдалтыг зогсоох бөгөөд “Гэмтэл согог сэргээн засах төв”-д хандаарай.
• Халдвар авсан байх магадлалтай бол “Халдварт өвчин судлалын үндэсний төв”-д очин тариа хийлгэдэг. Халдвар авсан шарх нь улайж хавдах, өвдөх, шүүс гарах байдлаар үрэвсэнэ.
• Галзуу нохой, чононд хазуулсан бол “Халдварт өвчин судлалын үндэсний төв”-д очин галзуугийн тариа хийлгэх шаардлагатай бөгөөд цусны шинжилгээ хийлгэнэ. Үнэг, чоно, гудамжны нохой зэрэг амьтад галзуу өвчтэй байх магадлал өндөр байдаг.
• Мууранд маажуулах, хазуулсны дараа “Халдварт өвчин судлалын үндэсний төв”-д шинжилгээ өгч халдвар авсан эсэхээ тогтоолгоорой. Учир нь муур нян ихээр агуулдаг байна.

Та амьтанд хазуулсан бол нэн даруй өөрт тохирох арга хэмжээг аваарай.