Цахим эмч
  • Өвчин А-Я
    • Даралт ихсэх
    • Зүрхний шигдээс
    • Мигрень
    • Нойр булчирхайн үрэвсэл
    • Сэтгэл гутрал
    • Түрүү булчирхайн үрэвсэл
    • Умайн салстын үрэвсэл
    • Уушгины хатгалгаа
    • Ханиад
    • Харшил
    • Цистит
    • Цус багадалт
    • Чихрийн шижин
    • Ясны сийрэгжилт
    • Бүгд
  • Шинж тэмдгийн асуулга
  • Булангууд
    • Онцлог
    • Миний бие
    • Эмчтэй ярилцъя
    • Ээж ба хүүхэд
    • #Басбус
  • Эмнэлэг хайх
  • Хэрэгслүүд
  • Search
  • Menu Menu
  • МЕНЮ
Кесар хагалгааны талаар мэдэх шаардлагатай 8 зүйл

Кесар хагалгааны талаар мэдэх шаардлагатай 8 зүйл

2021-01-12 12:51

Кесар хагалгааны төрөлт сүүлийн 15 жилийн хугацаанд 60%-иар өссөн гэсэн тоо баримт бий. АНУ-д гэхэд нийт төрөлтийн 32,8% нь кесар хагалгааны төрөлт байдаг.

Бид BeFitMom-ийн үүсгэн байгуулагч, жирэмсний өмнөх болон дараа үеийн фитнесийн мэргэжилтэн Хелен Бирн болон Монтефиор Эрүүл Мэндийн Төвийн жирэмслэлт, төрөлтийн мэргэжилтэн доктор Кесия Гэйтэр нарын кесар хагалгааны талаарх зөвлөгөөг хүргэж байна.

1. Мэдээж хэрэг өвдөнө

Гэйтэр эмч: “Ямар ч байлаа гэсэн кесар хагалгаа хийлгэсэн эхчүүд нь тодорхой хугацаанд өвдөлт мэдэрнэ гэдэгт бэлтгэлтэй байх хэрэгтэй. Ялангуяа хагалгааны дараах 3 хоногт өвдөлт маш их байдаг. Хажуу тийш харж хэвтэх, ханиалгах, гүнзгий амьсгаа авах, гараа сунгаж юм авах зэрэг хамгийн энгийн хөдөлгөөн хийхэд ч хэцүү байдаг. Шарх бүрэн эдгэрэхэд дор хаяж 6 долоо хоног шаардлагатай.”

2. Зогсоход маш хүндрэлтэй байх болно

Хелен Бирн: “Хагалгааны дараа босож зогсоход маш хэцүү байдаг гэдгийг хүмүүс тэр болгон мэддэггүй. Цусны эргэлтийг сайжруулах, цус бүлэгнэхээс сэргийлэх зорилгоор сувилагч нар таныг хүчээр босгох болно. Кесар хагалгаа бол хэвлийн хөндийн том мэс заслуудын нэг учраас тухайн үед нуруугаа тэнийлгэх нь хүртэл боломжгүй зүйл мэт санагддаг.”

3. Хөхөөр хооллохоо хойшлуулах шаардлага гарч болно

Хелен Бирн: “Өвдөлтийн түвшингөөс хамаарч хагалгааны дараах өдрүүдэд өндөр тунтай өвчин намдаагч эм уух шаардлагатай болдог. Тиймээс өвчин намдаагч хэрэглэж байх хугацаандаа хүүхдээ хөхөөр хооллохоос зайлсхийх хэрэгтэй. Хөхүүлж эхлэхдээ оёдлыг хүүхдийн жин, санамсаргүй хөдөлгөөнөөс хамгаалахын тулд хажуу тийш харах, дэргэдээ дэр тавьж өндөрлөх, эсвэл хүүхдээ гар дээрээ авахын өмнө оёдлынхоо дээгүүр дэр тавих хэрэгтэй.”

4. Жирэмсний хугацаанд дасгал хөдөлгөөн хийх

Хелен Бирн: “Жирэмсэн эмэгтэйчүүдийн 15 хувь нь л 30 минут алхах зэрэг өдөрт шаардлагатай дасгал хөдөлгөөнөө хийдэг. Төрөхийн өмнөх биеийн байдал хэдий чинээ сайн байна, төдий чинээ хагалгааны дараах эдгэрэлт хурдан байдаг. Кесар хагалгаагаар төрсний дараа 6 долоо хоногийн хугацаанд эрчимтэй дасгал хөдөлгөөн, хүнд зүйл өргөхийг хориглодог. Гэхдээ алхах нь маш чухал. Алхах нь цусны эргэлтэд чухал нөлөө үзүүлдгийн зэрэгцээ биеэс хорт бодисыг зайлуулах, тунгалгийн тогтолцоон үйл ажиллагааг сайжруулдаг байна.

5. Гэдэс дүүрснээс үүдэлтэй өвдөлт

Гэйтэр эмч: “Хэвлийн хөндийн мэс ажилбар, хүчтэй өвчин намдаагч зэргээс үүдэлтэйгээр хоол боловсруулах тогтолцоо удааширдаг. Гэдэс дүүрснээс үүдэлтэй өвдөлт үнэндээ тоглоом биш – кесарев хагалгааны дараа хоол боловсруулах үйл ажиллагаа хэвийн байдалдаа эргэж орохоор ажиллаж эхэлдэг. Энэ үед ходоод гэдэс хийгээр дүүрч, хагалгааны оёдол дээр даралт үзүүлж маш зовиуртай байдал үүсгэдэг. Тиймээс гэдэсний хий бууруулах эм хэрэглэхийг зөвлөж байна.”

6. Идэвхтэй амралт хийх

Хелен Бирн: “Хагалгааны дараа “Идэвхтэй амралт” хийж байх хэрэгтэй. Гудсан дээр дээшээ харж хэвтээд, хөлөө фитнесийн бөмбөг эсвэл буйдан дээр 90 хэм нугалж тавиад, хоёр гараа алдална. Энэ байрлал нь шархны эдгэрэлтэд тустай бөгөөд биед үзүүлэх механик стрессийг бууруулдаг давуу талтай. Мөн аарцаг болон нурууны булчинг суллаж, зөөлөн сунгаж өгдөг. Хүүхдээ унтаж байхад нь өдөрт 10-15 энэ байрлалд амрах хэрэгтэй.”

7. Кегелийн дасгалаа мартаж болохгүй

Хелен Бирн: “Ихэнх ээжүүд кесар хагалгаагаар төрсөн бол кегелийн дасгал хийх шаардлагагүй гэсэн буруу ойлголттой байдаг. Төрөлт ойртоход хүүхэд доошилдог учраас аарцгийн доод хананы булчин сунасан байдаг. Тиймээс кегелийн дасгалаа тогтмол хийж байх нь чухал.”

8. Наалданги үүсэхээс болгоомжил

Хелен Бирн: “Ихэнх хүмүүс мэс заслын дараа шархалсан хэсэгт наалдац үүсэж болзошгүй гэдгийг мэддэггүй. Хэвлийн мэс засал хийлгэсэн хүмүүсийн 93% -д нь наалдац үүссэн байдаг. Наалдац нь аарцаг, давсаг, хэвлийн хэсгээр үүсч болох бөгөөд гэдэсний түгжрэл, ойр ойрхон шээс хүрэх зэрэгт нөлөөлнө. Хэрвээ наалдац үүссэн бол тухайн хатуурсан хэсэгт зөөлөн массаж хийж, сорвижсон эдийг зөөлрүүлэх хэрэгтэй. Шаардлагатай тохиолдолд мэргэжлийн эмчид хандаж, физик эмчилгээ хийлгэж болно.”

Эх сурвалж: https://mom.me

Share this entry
  • Share on Facebook
  • Share on Twitter
  • Share on Pinterest
  • Share by Mail
http://edoctor.mn/wp-content/uploads/c-section-kesar-hagalgaa.png 1080 1920 eDoctor http://edoctor.mn/wp-content/uploads/2020/12/edoctor-logo.png eDoctor2021-01-12 12:51:152021-01-12 12:51:15Кесар хагалгааны талаар мэдэх шаардлагатай 8 зүйл

Мэдээллээс бүү хоцор

Бүртгүүлснээр та манай Үйлчилгээний нөхцөл болон Нууцлалын нөхцөлийн зөвшөөрсөнд тооцно.

Санал болгох нийтлэлүүд
Би илүүдэл жинтэй жирэмсэн Би илүүдэл жинтэй жирэмсэн. Энэ нь хүүхдэд маань ямар сөрөг нөлөөтэй вэ?
Жирэмслэлтийн талаарх хачирхалтай боловч үнэн 30 баримт Жирэмслэлтийн талаарх хачирхалтай боловч үнэн 30 баримт
Жирэмсэн үеийн фолийн хүчлийн хэрэглээ Жирэмсний үеийн фолийн хүчлийн хэрэглээ
Төрөлт эхэлж байгааг хэрхэн мэдэх вэ? Төрөлт эхэлж байгааг хэрхэн мэдэх вэ?
Жирэмсний үед тулгардаг түгээмэл 15 асуудал болон тэдгээрийн шийдэл Жирэмсний үед тулгардаг түгээмэл 15 асуудал болон тэдгээрийн шийдэл
Хөхөөр хооллоход тохиромжтой байрлалууд Хөхөөр хооллоход тохиромжтой байрлалууд
eDoctor
Нийтлэлч

.eDoctor

 Шинэ нийтлэл

  • Ходоодны хорт хавдрын талаарх таны мэдэх ёстой зүйлс2021-01-15 - 15:47
  • Элэгний хорт хавдрын талаарх таны мэдэх ёстой зүйлс2021-01-15 - 15:40
  • Хөхөөр хооллоход тохиромжтой байрлалуудХөхөөр хооллоход тохиромжтой байрлалууд2021-01-14 - 17:55
  • Жирэмслэлт болон ажил эрхлэлт2021-01-14 - 17:41
  • Жирэмсний үед дасгал хөдөлгөөн хийх 13 дүрэмЖирэмсний үед дасгал хөдөлгөөн хийх 13 дүрэм2021-01-14 - 17:12

Шинж тэмдгийн асуулга

Өвчин
А-Я

Эмнэлэг
хайх

Эрүүл мэндийн
хэрэгслүүд

Таны эрүүл мэндийн
итгэлтэй зөвлөх
Хамтран ажиллах
хүсэлт илгээх

Бидний тухай

Үйлчилгээний нөхцөл

Нууц хадгалах тухай

Холбоо барих

Өвчин А-Я

Эмнэлэг хайх

Эрүүл мэндийн хэрэгслүүд

Мэдээлэл авах

Таны эрүүл мэндийн
итгэлтэй зөвлөх

Бүртгүүлснээр та манай Үйлчилгээний нөхцөл болон
Нууцлалын нөхцөлийг зөвшөөрсөнд тооцно.

Төрөлт эхэлж байгааг хэрхэн мэдэх вэ? Төрөлт эхэлж байгааг хэрхэн мэдэх вэ? Жирэмсэн үе дэх хүүхдийн хөдөлгөөн Жирэмсэн үе дэх хүүхдийн хөдөлгөөн
Scroll to top