Ямар хүнсний бүтээгдэхүүнийг сүүтэй хэрэглэж болохгүй вэ?

Сүү бол витамин, эрдэс бодисын хамгийн чухал нийлүүлэгч буюу А, D, В бүлгийн витамин, кальци, кали, фосфор, магни, натри, төмөр, фтор, иод зэрэг эрдэс бодисыг агуулдаг. Үүний зэрэгцээ өөх тос багатай сүү нь жингээ хасахад тусалдаг бөгөөд өөх тосыг үр дүнтэй шатаахад тусална. Хүмүүс ч өдөр тутмын хэрэглээндээ сүүг олон төрлийн хүнсний  бүтээгдэхүүнтэй хослуулан хэрэглэж хэвшсэн. Гэвч хамтад нь хэрэглэхэд зохимжгүй хэд хэдэн бүтээгдэхүүн  бий гэдгийг та мэдэх үү?

Кофе

Хэдий олон хүмүүс кофегоо сүүгүйгээр төсөөлж чаддаггүй ч үнэн хэрэгтээ тэд хоорондоо зохимжгүй юм. Учир нь сүүний уураг нь кофеины (тархины допамины түвшнийг нэмэгдүүлж, оюуны идэвхийг дэмжиж, сэргэг мэдрэмж төрүүлнэ) нөлөөг саармагжуулдаг тул сүүтэй кофе уусны дараа сэргэх магадлал тэгтэй тэнцдэг гэж хэлж болно. Үүний зэрэгцээ сүүнд агуулагдах хүчлүүд нь кофены ургамлын хүчилтэй нэгдэж урвалд орсноос үүдэж гэдэс дүүрэх, дотор муухай оргих, ходоодонд зовуурь мэдрэгдэх зэрэг тав тухгүй байдал үүсгэх шинж тэмдгүүд илэрдэг байна.

Цай

Цай нь хүний биед агуулагдах хүнд металлын үйлчилгээг саармагжуулж, цусны эргэлтэд эерэгээр нөлөөлж, судасны хананы уян хатан байдлыг сайжруулдаг байна. Үүний зэрэгцээ ногоон, хар цай нь кофены адил кофеины баялаг эх үүсвэр. Иймд сүү болон цайг хольж хэрэглэхэд сүүний уураг нь судасны тэлэх чадварыг багасгаж, зарим антиоксидант (бие махбодод аюултай гинжин урвалаас урьдчилан сэргийлэх чадвартай молекул бөгөөд чөлөөт радикалуудаас үүснэ) нэгдлийг задалдаг байна.

Далайн гаралтай бүтээгдэхүүн

Хоол тэжээлийн мэргэжилтнүүд загасны уураг ба омега-3 тосны хүчлийг сүүний уурагтай хослуулахгүй байхыг зөвлөдөг. Ийм нэгдэл нь ангижрахад хүнд ходоодны өвдөлтийг үүсгэдэг байна

Өндөг

Өндөг ба сүүний нэгдэл нь бие махбодь бараг л зохицуулж чадахгүй уургийн “цохилт” болдог аж. Энэхүү нэгдлийг шингээхэд маш хэцүү байдаг бөгөөд тавгүй мэдрэмжийг төрүүлэхийн зэрэгцээ хоол боловсруулах эрхтнүүдэд өндөр ачаалал өгдөг байна. Тиймээс та омлет бэлтгэхдээ сүү хэрэглэхээс татгалзаж, өндгийг дангаар нь шарах аль эсвэл чанаж хэрэглэхийг зөвлөе.

Жимс

Хоол тэжээлийн мэргэжилтнүүдийн зөвлөж буйгаар жимсийг дангаар нь хэрэглэх нь илүү зохимжтой гэжээ. Ямарваа нэгэн төрлийн жимстэй зохицох хүнсний бүтээгдэхүүн тун ховор. Тэр дундаа интоор, жүрж, нимбэг, бэрсүүт жүрж, ногоон алим, хан боргоцой зэргийг сүүтэй хольж хэрэглэхээс татгалзах хэрэгтэй. Сүүний уураг болон жимсэнд агуулагдах хүчил нь урвалд орсноор ходоодны ачааллыг нэмэгдүүлж, цээж хорсгох, ходоодны шарх үүсгэх эрсдэлийг нэмэгдүүлдэг байна. Иймд жимстэй сүүн коктейлоос зайлсхийх нь зүйтэй болов уу.

Бусад

Энэ хэсэгт найрлагадаа исгэгч агуулдаг хүнсний бүтээгдэхүүн, улаан шош, редиск, өргөст хэмх, улаан лооль, хулуу, лууван зэрэг багтаж байгаа юм. Учир нь эдгээр хүнсний бүтээгдэхүүнүүд нь сүүтэй нэгдэж урвалд орсон тохиолдолд хоол боловсруулах эрхтний тогтолцоонд маш их ачаалал учруулах бөгөөд цаашлаад биед сөрөг үр дагавар үзүүлэх эрсдэлтэй гэдгийг битгий мартаарай.

Та эрүүл мэндийн сонирхолтой мэдээллийг манай цахим хаягуудаас хүлээн авах боломжтой: 

Facebook , Instagram , Youtube